Порье: "Мен қисқа муддатдаги жангга тайёр эдим!"

Енгил вазнда собиқ вақтинчалик чемпион америкалик Дастин Порье (29-8, 1NC) даставвал унга Ислам Махачевга қарши жангга чиқиш таклифини беришганини таъкидлади:
"Оливейра жароҳат олиб жангдан брш тортганида турниргача 12 кун қолган эди. Ўша пайтда мен уйда, Флоридада эдим. Шунчаки, энди залга қатнашни бошлагандим. Чунки, жамоадошларим билан кўп вақтдан бери кўришмагандим.
Машғулотдан уйга қайтишим билан менга қўнғироқ бўлди. Қарасам, Хантер Кэмпбелл экан. Мен эса: "Хант, зўр вақтини топдинг!" - дея таъкидладим. У мендан айни дамда қанча вазнда эканим ва 11 кунда енгил вазн лимитини бажара олиш-олмаслигимни сўради. Мен барча саволларга ижобий жавоб бердим. У эса бир куннинг ичида жанг бўйича аниқ фикр айтишини маълум қилди, аммо, эртаси куни ҳеч нима ёзмади.
У бироз вақт ёзмаганидан тушундимки, бошқа вариант ҳам топиб қўйишган. Кейин тушунишимча, улар мабодо Алекс жангга чиқа олмаса мен билан боғланишмоқчи бўлишган экан."