Португалия мураббийи чақирувдан сўнг Роналдуни огоҳлантирди

Португалия терма жамоаси бош мураббийи Жорже Жезуш жамоа етакчиси Криштиану Роналду ҳақида фикр билдирди. 41 ёшли ҳужумчи навбатдаги йиғин учун миллий термага яна таклиф этилди.

Жезуш таъкидлашича, Роналду терма жамоадаги ўрнини фақат ўтмишдаги ютуқлари ҳисобига эмас, ҳозирги ўйини орқали исботлаши керак бўлади.

«Роналду? Биз учун унинг бугунги ўйини муҳим, ўтмиш аҳамиятли эмас. Агар у яхши ўйнаса, майдонга тушади. Агар ўйини талаб даражасида бўлмаса, у майдонда бўлмайди», – дея Жорже Жезушнинг сўзларини The Touchline келтиради.

Португалия терма жамоасининг навбатдаги учрашуви пайшанба, 24 сентябрь куни бўлиб ўтади. Жорже Жезуш шогирдлари шу куни Лига миллатлари доирасида ўз майдонида Уэльс термасига қарши баҳс олиб боради.