Португалия – Ўзбекистон тўқнашуви топ-учрашувлар рейтингига кирди

2026 йилги жаҳон чемпионати гуруҳ босқичи иккинчи туридаги Португалия ва Ўзбекистон терма жамоалари ўртасидаги ўйин томошабинлар сони бўйича турнинг энг оммавий баҳслари ўнталигига кирди.

Хьюстон шаҳридаги NRG Stadium аренасида ўтган беллашувни 68 777 нафар мухлис стадиондан томоша қилди. Шу натижа ҳисобидан ушбу учрашув иккинчи тур доирасидаги энг кўп томошабин тўплаган ўйинлар рўйхатида еттинчи ўринни эгаллади.

Тур доирасида энг кўп мухлис йиғган ўйин Норвегия ва Сенегал терма жамоалари ўртасидаги баҳс бўлди — стадион трибуналарида 80 663 нафар томошабин жамланди. Шунингдек, биринчи учликдан Аргентина — Австрия (70 649) ва Бельгия — Эрон (70 317) учрашувлари ҳам жой олди.

"ЖЧ-2026" иккинчи турида энг кўп томошабин йиғган 10 та ўйин:
1. Норвегия — Сенегал — 80 663
2. Аргентина — Австрия — 70 649
3. Бельгия — Эрон — 70 317
4. Швейцария — Босния ва Герцеговина — 70 026
5. Туркия — Парагвай — 68 827
6. Нидерландия — Швеция — 68 777
7. Португалия — Ўзбекистон — 68 777
8. Эквадор — Кюрасао — 68 598
9. Иордания — Алжир — 68 371
10. Бразилия — Гаити — 68 324.

Эслатиб ўтамиз, Португалия — Ўзбекистон учрашуви европаликлар фойдасига йирик ҳисобда якунланди — 5:0. Португалия таркибида Криштиану Роналду дубль қайд этди, яна бир голга Нуну Мендеш ва Рафаэл Леау муаллифлик қилди. Яна бир тўп эса ўзбек дарвозабони Абдувоҳид Неъматовнинг автоголи орқали киритилди.