Превью. "Сурхон" – "Қўқон-1912"

Суперлиганинг 4-турида "Қўқон-1912" жамоаси "Сурхон"га қарши баҳс олиб боради. Мазкур баҳс олдидан ушбу жамоаларнинг ўзаро ўйинлардаги статистик маълумотлари билан таништириб ўтамиз.

Бу жамоалар шу пайтга қадар чемпионат доирасида 24-марта тўқнаш келган. "Сурхон" ўйинларнинг 11 тасида зафар қучган, 11 та баҳсда вакилларимиз қўли баланд келган. Иккита учрашувда дуранг натижа қайд этилган. Тўплар нисбати – 38-37, жамоамиз фойдасига. Ўзаро ўйинларда "Сурхон" 35 очкони қўлга киритган. "Қўқон-1912" очкоси 35 тани ташкил этади.

Суперлиганинг 4-турида ишлайдиган расмий шахслар номлари эълон қилинди. Унга кўра Термизда бўлиб ўтадиган "Сурхон" – "Қўқон-1912" баҳсини Никита Мустафин бошчилигидаги ҳакамлар гуруҳи бошқариб боради.

Бош ҳакам: Никита Мустафин
Ёрдамчи ҳакамлар: Артём Калинин, Зуфар Элибоев
Захира ҳаками: Маъруф Тиллоев

Назоратчи: Маъмур Саидқосимов
ВАР: Равшан Абдувоҳидов
АВАР: Элнур Дониёров
Комиссар: Шерзод Ражабов

Эслатиб ўтамиз, учрашув эртага соат 20:15 да старт олади.