Превью. "Андижон" - "Локомотив"

“Андижон” жамоаси бу турда “Локомотив”ни қабул қилишидан хабарингиз бор. “Бургутлар”нинг “Темирйўлчилар”га қарши ўйинлар статистикаси шундайки, жамоалар чемпионатда ҳозирга қадар 27 маротаба беллашишди. “Андижон”да 5, “Локомотив”да 18 ғалаба мавжуд. 4 та ўйинда кучлар тенг келиб қолган. Тўплар нисбати 27\53 “Локо” фойдасига.

Жорий мавсумнинг биринчи даврасида Тошкентда бўлиб ўтган баҳсда “Андижон” 1:2 ҳисобида ғалаба қозониб қайтган. Голларга "Бургутлар"дан Ислом Маматказин ва Шахром Самиев муаллифлик қилган. Рақиб жамоадан – Сардор Абдунабиев тўп киритган.

“Андижон” ўз майдонида “Локомотив”ни сўнгги бор 2010 йили мағлубиятга учратган. Ўша йилнинг 1 май санасида ўтган ўйинда мезбонлар 2:0 ҳисобида устун келган.