Превью. "Андижон" - "Сурхон"

4 август куни “Андижон” “Бобур Арена”да Термизнинг “Сурхон” клубини қабул қилади. Ушбу клубларнинг ўзаро ўйинлар тарихига назар ташлайдиган бўлсак, Ўзбекистон чемпионатлари давомида жамоалар ўзаро 31 маротаба тўқнаш келишган. Устунлик “Андижон” тарафида. Боиси, 16 та баҳсда “Бургутлар” ғалаба қозонган. “Сурхон” эса 10 та учрашувда устун келган. Бундан ташқари, яна 5 та учрашувда дуранг қайд этилган. Тўплар нисбати 57\38 “Андижон”нинг фойдасига.

Бу йил биринчи даврада Тошкентдаги “Пахтакор” марказий стадионида “Сурхон” мезбонлиги остидаги баҳсда 1:0 ҳисобида термизликлар ғолиб чиқишган. 2021 йилги мавсумда “Андижон” “Бобур Арена”даги очилиш ўйинида “Сурхон”ни 1:0 ҳисобида таслим қилган. Шунингдек, ўзаро учрашувларнинг 5 тасида “Андижон” мазкур рақибини йирик ҳисобларда мағлубиятга учратган. Жумладан, 3:0, 5:1, 6:2, 4:0, 5:0 ҳисоблар қайд этилган. Шу билан бирга бир марта 4:4 ҳисобида жанговар дуранг ҳам кузатилган.

Навбатдаги баҳс эса “Андижон” ва “Сурхон” клубларининг ўзаро 32-тўқнашувига айланади.

“Андижон” матбуот хизмати.