Prevyu. "Paxtakor" - "So‘g‘diyona"

Superliga 19-tur o‘yinida "Paxtakor" jamoasi Toshkentda "So‘g‘diyona"ni qabul qiladi.

Milliy chempionatlar doirasida mazkur klublar o‘rtasida o‘zaro 59 uchrashuv bo‘lib o‘tgan. 44 bellashuvda "Sherlar" g‘alabaga erishgan bo‘lsa, 7 ta o‘yinda durang qayd etilgan va 8 bahsda raqibning g‘alabasi qayd etilgan. 135 gol urgan "Sherlar" o‘z darvozasidan 49 to‘p o‘tkazib yuborishgan. 

"Paxtakor"ning eng yirik g‘alabalari 6:1 va 5:0 hisoblarida kuzatilgan. Toshkentdagi 29 bahsning 26 tasida "Paxtakor" muvaffaqiyatini nishonlagan. Shundan 12 g‘alaba yirik natija bilan qo‘lga kiritilgan. O‘z maydonida "Paxtakor" 96 gol urib, 22 to‘p o‘tkazib yuborgan. Ikki bor raqib g‘alabasi va bir durang qayd etilgan.

"Paxtakor" va "So‘g‘diyona" jamoalari o‘rtasidagi o‘yin 15 avgust, juma kuni soat 19:00 da "Jar" stadionida boshlanadi.