Превью. "Шўртан" - "Андижон"

“Андижон” жамоасини эртага Ғузорда “Шўртан”га қарши учрашув кутмоқда. Бир неча йиллик танаффусдан сўнг Суперлигага қайтган “Шўртан”га қарши ўйин жамоамизнинг ўзаро беллашувлардаги 19-беллашувига айланади. Иккала жамоада 7 тадан ғалаба бор ва 4 та дуранг бор. Тўплар нисбати 23\20 ғузорликлар фойдасига.

Бу жамоалар элитада сўнгги бор 2016 йилги мавсумда тўқнаш келишган. Ўшанда иккала ўйинда ҳам “Шўртан”нинг қўли баланд келган.

Шу пайтгача “Шўртан” майдонидаги учрашувларда 3 дуранг қайд этилган ва 1 марта жамоамиз зафар қучган. Яъни, 2008 йилги мавсумда “Андижон” сафарда 0:1 ҳисобида ғалаба қозонган.

Эслатиб ўтамиз, “Шўртан” – “Андижон” ўйини 17 май куни, Ғузордаги “Марказий” стадионида соат 20:30 да бошланади.