Президент Аббосбек Файзуллаевга нималар деди?

Ўзбекистон миллий терма жамоаси ва Москванинг ЦСКА клуби ҳужумкор ярим ҳимоячиси Аббосбек Файзуллаев PulNews YouTube каналига берган интервьюсида Президент Шавкат Мирзиёев билан учрашувда бўлган мулоқот ҳақида сўзлаб берди.

“Президентимиз биз каби футболчилар борлигидан, легионерлар борлигидан фахрланишини айтдилар. Чунки барибир легионер бўлиш қийин, сабаби сиз юртдан ташқарида Ватан байроғини ҳимоя қиласиз. Шунинг учун ҳам Президентимиз доим бизни қўллаб-қувватлашларини билдирдилар. Ўз устимизда янаям кўпроқ ишлаб, бундан ҳам яхшироқ жамоаларда тўп суришимиз кераклигини айтдилар”, - деди Файзуллаев.