Профессионал бокс афсонаси Рой Жонс Тошкентга келмоқда

Хабиб Нурмагомедов иштирокидаги матбуот анжумани бекорга қолдирилмаганга ўхшайди. Чунки профессионал бокс оламининг ёрқин намоёндаларидан бири кичик Рой Жонс эртага тонг саҳарда пойтахтимизга учиб келади.

АҚШ лик афсона ўзининг инстаграм саҳифасида Отабек Умаровнинг Ўзбекистон ММА ассоциацияси президенти бўлганлиги билан табриклаб, 23 ноябрь кунги илк расмий турнирнинг бир қисми бўлишидан хурсанд эканлигини ёзиб қолдирганди. У Тошкентга келишга қарор қилган ва ўз ўрнида "Ҳумо Арена"да ўтказилувчи GFC 20 турнирининг фахрий меҳмонларидан бири бўлади.