ПСЖ -"Интер": Ўзаро тўқнашувлардаги устунлик қайси жамоада?

Бугун УЕФА Чемпионлар Лигасининг жорий мавсумдаги сўнгги баҳси - финал беллашуви бўлиб ўтади. Ушбу баҳсда ПСЖ ва "Интер" жамоалари тўқнаш келади. Беллашувда ғалаба қозонган жамоа ЕЧЛнинг 2024-25 йилги мавсуми чемпионига айланади.

Ушбу жамоалар бугунга қадар умумий 5 маротаба тўқнаш келган. Мазкур тўқнашувларнинг барчаси ўртоқлик учрашуви доирасида ташкил этилган. 

Ўзаро баҳслардаги устунлик ПСЖда. Жамоа ушбу 5 та беллашувнинг 3 тасида ғалабани қўлга киритган. "Интер" эса бир маротаба муваффақият қозонган. Жамоалар ўртасидаги бир учрашувда эса жамоалар кучи тенг келган. Ўртоқлик ўйинидаги энг катта фарқ билан қозонилган ғалаба ПСЖга тегишли - 1:3.