ПСЖ етти ўйинчисидан воз кечди. Улар ким?

ПСЖ таркибини Чемпионлар лигасида муваффақиятли ўйнаш учун шай ҳолга келтирмоқчи. Бунинг учун биринчи навбатда клуб ортиқча ўйинчилардан қутилиши ва трансферлар бозорида янги ижрочиларни топиши керак.

Парижликлар спорт директори Луиш Кампуш ишончни оқламаётган ўйинчилардан бир гуруҳи билан хайрлашадиган бўлди.

Le Parisien нашрининг маълум қилишича, клуб раҳбарияти айрим ўйинчиларга янги битим бермайди ва баъзиларини трансферга қўяди. Манбанинг таъкидлашича, кетадиганлар рўйхатига ярим ҳимоячилардан Витинья, Ренату Саншеш, Фабиан Руис, Карлос Солер, ҳимоячилардан Хуан Бернат ва Серхио Рамос, шунингдек, ҳужумчи Уго Экитике киритилган.

ПСЖнинг энг машҳур юлдузи Лионель Мессининг ҳам клубдаги келажаги мавҳум бўлиб турибди. Аргентиналик жаҳон чемпиони 30 июнь куни эркин агентга айланади.