ПСЖ Мбаппе бўйича бир қарорга келди

ПСЖ раҳбарияти Килиан Мбаппени қўлдан чиқарганини тан олди. Энди клуб хўжайинлари 23 ёшли ҳужумчига бошқа шартнома таклиф қилмайди.

Килианни олиб қолиш мақсадида клуб раҳбарияти ўта манфаатли шартлар таклиф қилди. Уларнинг аксарияти “Реал”нинг шартномасидан яхши эди. Килиан бу битимларнинг бирортасини қабул қилмади.

Бундан билиш мумкинки, Мбаппе “Реал”га ўтиш борасида қарорга келиб бўлган ва уни пул билан ўзгартириб бўлмайди.

ПСЖ тўпурари 30 июнь куни эркин агентга айланади. Шунга қарамай, ҳали фаолиятини қаерда давом эттириш бўйича фикрини ошкор қилгани йўқ.