ПСЖ Мбаппега катта суммада пул тўлаб берадиган бўлди

Суд Франциянинг ПСЖ клубини жамоанинг собиқ ҳужумчиси Килиан Мбаппега иш ҳақи бўйича 61 млн евро тўлашга мажбур қилди. Қарор бир овоздан қабул қилинди, ҳукм дарҳол ижро этилиши керак, деб хабар бермоқда машҳур RMC Sport онлайн нашри.

Эслатиб ўтамиз, 2025 йилнинг ноябрида Мбаппе ПСЖдан 263 млн евро товон пули талаб қилаётгани ҳақида хабар берилганди. Бу суммага ҳужумчига шартнома тугаганидан кейин тўланмаган маош ва мукофот пуллари, шунингдек, унга жамоада қандай муносабатда бўлгани учун товон пули ҳам киради.

Килиан 2024 йилнинг ёзида "Пари Сен-Жермен"ни эркин агент сифатида тарк этганди. Футболчи Мадриднинг "Реал" клуби сафига келиб қўшилди.