ПСЖ Олисе трансфери пойгасига қўшилди

ПСЖ раҳбарияти "Бавария"нинг юлдуз ҳужумкор ярим ҳимоячиси Майкл Олисе учун курашга қўшилишни режалаштирмоқда.

L'Equipe нашри маълумотича, парижликлар шу ёзги трансфер ойнасининг ўзидаёқ 24 ёшли француз футболчисини қўлга киритиш бўйича "Бавария" билан музокара бошлашни кўзламоқда. Олисега фақат ПСЖ эмас, балки "Реал" ҳам жиддий қизиқиш билдирмоқда. Хабарларга кўра, испанияликлар Майкл учун тахминан 150 миллион евро таклиф қилишга тайёр. Шу билан бирга, "Бавария" ҳозирча ўзининг энг асосий юлдузларидан бирини сотишга шошилмаяпти.

Эслатиб ўтамиз, ўтган мавсумда Майкл Олисе Германия чемпионатида "Бавария" таркибида 32 ўйин ўтказиб, 15 та гол урди ва 19 та голли узатма амалга оширди.