ПСЖ оммавий равишда "Реал"дан шикоят қилди

«Пари Сен-Жермен» расман «Реал Мадрид»га норозилик билдирди. Париж клуби маълум қилишича, «қаймоқранглилар» уларнинг асосий трансфер нишони бўлган Яна Диоманде учун курашга охирги дақиқада қўшилиб, ўйинчи учун келишувни илиб кетди. 

Маълумотларга кўра, французлар «Лейпциг» вингери трансферига жуда яқин келган эди. Бироқ музокаралар якунига етмасидан олдин жараёнга «Реал» аралашган ва вазият кескин ўзгарган.

ПСЖ раҳбарияти таъкидлашича, клуб Диоманде учун ортиқча пул тўлаш ниятида бўлмаган. Шу боис парижликлар юқори нархга рози бўлмасдан, футболчини «Реал»га ўтишига  йўл беришга мажбур бўлган.

«Реал» ПСЖдан Диоманде трансфери бўйича устунликни айнан шартнома имзоланиши олдидан қўлга киритди. 

«Лейпциг» ўтган йили Испаниянинг иккинчи дивизионида тўп сурган, аммо катта салоҳиятга эга деб баҳоланаётган ўйинчини сотиб олганидан бир йил ўтиб, жуда катта миқдорда тўлов талаб қилгани айтилмоқда.

- Биз бошқа клублар атрофида фейерверк қилиб, нархларни осмонга чиқараётгани учун ақлбовар қилмас пул сарфлашни режалаштирмаганмиз. Бу ҳолат «Реал Мадрид» ҳозир қайси даражада эканини яққол кўрсатиб турибди, - дейилади ПСЖ баёнотида.