ПСЖ Шкриньярнинг трансфери бўйича ишларни бошлаб юборди

Словакия терма жамоаси ва “Интер” клуби ҳимоячиси Милан Шкриньяр фаолиятини Франция чемпионатида давом эттириш имкониятига эга.

Goal.com тарқатган хабарга қараганда, 25 ёшли футболчига ПСЖ жиддий қизиқиш билдирмоқда. Парижликлар аллақачон ушбу трансфер бўйича музокараларни бошлаб юборган. “Нерадзуррилар” эса уни 60 млн еврога баҳоламоқда.

Шкриньяр “Интер” сафида 2017 йилдан буён тўп суриб келяпти. У ўтган мавсум Италия чемпионатида 32 та ўйинда майдонга тушди ва 2 та голли узатмага муаллифлик қилди.