ПСЖ “Сити” илгари етмиш миллион еврога бермаган ўйинчини яна чақиряпти

УЕФА Чемпионлар лигасининг амалдаги ғолиби  “Пари Сен-Жермен” кутилмаганда яқинлашиб келаётган ёзда Бернарду Силвани қўлга киритиш учун даъвогарлик қилаётган клублар қаторига қўшилди.

Силванинг “Манчестер Сити”дан кетиши аниқ бўлиб улгурган ва сўнгги маълумотларга қараганда, португалиялик плеймейкер “Бенфика”га қайтишга мойиллик билдирган. Аммо “Барселона” ва кейинроқ ПСЖ мутасаддиларининг Бернардуга боғлангани вазиятни ўзгартириши мумкин.

ПСЖ аввал ҳам икки марта “Манчестер Сити” плеймейкерини қўлга киритишга уринган эди. Хусусан, 2023 йил ёзида Франция чемпиони ярим ҳимоячи учун 70 миллион евро таклиф қилган. Амма бу таклиф “Манчестер Сити” томонидан рад этилган. Кейинги ёз ҳам парижликларнинг чорловига ижобий жавоб бўлмаган.

Бу ёзда Бернарду Силва эркин агентга айланиши ва трансфер тўлови ўрнига таклиф қилинаётган молиявий пакет “Парк де Пренс”ни ўйинчи учун жозибали манзилга айлантирмоқда.