PSJ yozda A Seriyadan forvard olib kelmoqchi

Frantsiya chempioni PSJ Italiyaning "Yuventus" klubi a’zosi bo‘lgan markaziy hujumchi Dushan Vlaxovich bilan jiddiy qiziqmoqda. Bu haqda "Caught Offside" jurnalistlari xabar tarqatdi.

Manbaga ko‘ra, parijliklar 25 yoshli serbiyalik futbolchini aynan shu transfer oynasida o‘z safiga qo‘shib olishni ko‘zlamoqda. Vlaxovichning bozordagi narxi taxminan 45 million evroga baholanmoqda.

U o‘tgan mavsumda turinliklar tarkibida 41 uchrashuvda maydonga tushib, 15 ta gol urdi va 5 ta golli uzatma amalga oshirdi. Uning klub bilan amaldagi shartnomasi 2026 yil yozigacha mo‘ljallangan.

Shuningdek, parijliklar bosh murabbiyi Luis Enrike ham ushbu transferni xohlayotganini rahbariyatga bildirgan. Ma’lum bo‘lishicha, serbiyalik forvard Ramoshga o‘rinbosar sifatida ko‘rilmoqda.