ПСЖнинг жароҳатдаги ҳужумчиси яқин кунларда таркибга қайтиши мумкин

ПСЖ ҳужумчиси Хвича Кварацхелия жамоанинг тиббий марказида кўрикдан ўтиб чиқди. Бу ҳақда "RMC Sport" нашри хабар берди.

Манба маълумотларига кўра, грузиялик футболчининг жароҳати жиддий эмас. Хвича УЕФА Чемпионлар Лигасининг гуруҳ босқичида Италиянинг "Аталанта" жамоасига қарши бўладиган навбатдаги ўйинда жамоасига ёрдам бериши мумкин. Кварацхелиянинг ўйинда иштирок этиши бўйича якуний қарор сешанба кунги машғулотдан сўнг қабул қилинади.

Франция чемпионатининг жорий мавсумида 24 ёшли футболчи учта ўйинда майдонга тушган, аммо ҳеч қандай самарали ҳаракат кўрсата олмаган.