Пул қўлдан чиқди! “Аталанта” ўз ўйинчисининг Манчестерга трансфери барбод бўлганидан ҳайратда

Италиянинг “Аталанта” клуби спорт директори Кристиано Жунтоли ярим ҳимоячи Эдерсоннинг “Манчестер Юнайтед”га трансфери барбод бўлгани ҳақида фикр билдирди.

“Аталанта” билан 38 миллион фунтлик компенсация ва Эдерсоннинг шахсий шартномаси шартлари бўйича келишувга эришилганига қарамай, “Юнайтед” сўнгги лаҳзада битимдан воз кечди.

Трансфернинг амалга ошмаганига Англиядаги тиббий кўрик давомида Бразилия терма жамоасининг 27 ёшли футболчисида саломатлиги билан боғлиқ айрим муаммолар аниқлангани сабаб қилиб кўрсатилмоқда.

“Аталанта” бундай қарордан ҳайратда қолган ва Эдерсонни мутлақо соғлом, деб ҳисобламоқда. Клуб ҳатто у билан янги шартнома имзолашни режалаштирмоқда.

- Биз ҳайратдамиз. У қолишдан мамнун ва биз унинг шартномасини узайтириш устида ишлаяпмиз, - деди Кристиано Жунтоли.