Пулишич «Рома»га ўтиши мумкин

Америкалик ҳужумчи Кристиан Пулишич яқин орада жамоасини алмаштириши мумкин. У ҳақида «Рома» клуби билан боғлиқ эҳтимолий трансфер ҳақида маълумотлар пайдо бўлди.

Пулишич уч йилдан бери «Милан» шарафини ҳимоя қилиб келмоқда, аммо сўнгги пайтларда унинг ўйини унчалик омадли кечмаяпти – у клуб учун охирги голини ўтган йили урган эди.

Италиядаги нуфузли спорт журналисти Альфредо Педулла тарқатган маълумотга кўра, Пулишич «Рома» сафига ўтиши мумкин. 

Унинг айтишича, футболчининг агенти римликлар раҳбарияти билан учрашувлар ўтказмоқда ва эҳтимолий трансфер шартларини муҳокама қилмоқда.

Эслатиб ўтамиз, ўтган мавсум якунига кўра, Серия А чемпионатида «Рома» сўнгги турда турнир жадвалида «Милан»ни ортда қолдиришга муваффақ бўлган эди.