Қамалиши мумкин бўлган "Реал" футболчисига Италиядан харидор чиқди

Италиянинг "Милан" клуби "Реал" форварди Лука Йовични ўз сафида кўрмоқчи. Бу ҳақда Calciomercato нашри хабар тарқатмоқда.

Юқоридаги манбага кўра, “россонерилар” 22 ёшли сербиялик футболчини жамоадан кетиши мумкин бўлган швециялик ҳужумчи Златан Ибрагимовичга муносиб ўринбосар сифатида кўришмоқда.

Бундан аввалроқ эса, Йович Сербияда карантин қоидаларини бузгани учун 3 йилгача қамоқ жазосига ҳукм қилиниши мумкинлиги ҳақида ҳам хабарлар тарқалган эди.

“Реал” Йовични ўтган йилнинг ёзида 60 млн евро эвазига “Айнтрахт”дан сотиб олган эди. У жорий мавсум 24 та ўйинда майдонга тушди ва 2 та гол ҳамда 2 та голли узатмага муаллифлик қилди. Унинг мадридликлар билан амалдаги шартномаси 2025 йилга қадар имзоланган.