Қимматбаҳо ҳужумчи ПСЖдан кетадиган бўлди

“Пари Сен-жермен” ҳужумчиси Рандаль Коло-Муани қишки трансферлар даврида жамоасини алмаштиришга қарор қилди. 

Катта умидлар билан жамоага олиб келинган франциялик футболчи бош мураббийликка Луис Энрике тайинланганидан кейин анча қийналиб қолди. 

“Айнтрахт”да тўпурарлик маҳоратини намойиш қилганидан кейин 2023 йилнинг ёзида Париж клубига 95 миллион еврога трансфер қилинган 25 ёшли ҳужумчи испаниялик мутахассиснинг ўйин услубига мос тушмаяпти. 

Натижада Рандаль етарли даражада ўйин амалиётига эга бўла олмаяпти. Жорий мавсумда барча турнирларда 9 маротаба майдонга тушиб, жами 366 дақиқа ўйнади ва ўз ҳисобга бир жуфт гол ёздириб қўйди. 

Рандаль Коло Муанининг клуб билан келишуви 2028 йилнинг30 июнигача давом этириши белгиланган.