
Қимматбаҳо юлдуз Мбаппе учун “Реал”га ўтадиган бўлди
“Реал” ёзги трансферлар вақтида таркибида, хусусан ҳимоя чизиғида ўзгариш қилишни режалаштирмоқда. Чунки мадридликлар жорий мавсумда айнан орқа чизиқда ўйинчи етишмаслиги туфайли кўплаб муаммоларга дуч келди.
Sky Sport нашрининг маълум қилишича, “Қироллик клуби” хўжайинлари жамоага “Арсенал”нинг етакчи ҳимоячиси Вильям Салибани олиб келмоқчи.
Хабарларда мадридлик мутасаддилари 23 ёшли футболчи вакиллари билан музокараларни бошлаб юборгани, бу трансфер 120 миллион евро атрофидаги суммага ҳал бўлиши айтилмоқда.
Вильям Салибанинг ўзи ҳам “Реал”га ўтишга мойиллик билдирди. Франциялик футболчи Мадрид клубида ўз ҳамюрти Килиан Мбаппе билан бирга ўйнашни орзу қиляпти.
Комментарии