“Qizilqum” Bahodir Pardaevga qiziqish bildirmoqda

Navoiyning “Qizilqum” klubi Bahodir Pardaevga qiziqish bildirmoqda. Bu haqda SPORTS.uz manbasi xabar bermoqda.

Ma’lum bo‘lishicha, Janubiy Koreyaning “Bucheon” sharafini himoya qilayotgan hamyurtimizga navoiyliklar taklif bilan chiqishlari kutilmoqda.

Eslatib o‘tamiz, Pardaev Janubiy Koreyada nufuzi jihatidan ikkinchi turuvchi liga – K-liga Chellenjda “Bucheon” tarkibida har doim ham maydonga tushmayapti. Shuning uchun hujumchi tez orada oliy ligaga qaytishi mumkin. Shuningdek, unga "Qo‘qon-1912" ham befarq emas.   

Ma’lumot o‘rnida, Bahodir Pardaev mavsumni "Qo‘qon-1912" safida boshlagandi.