Қизиқ статистика: Аргентина 2026 йилда тўртинчи юлдузни қўлга киритадими?

Футбол мухлислари орасида Жаҳон чемпионатлари билан боғлиқ қизиқ тенденция муҳокама қилинмоқда.

Бразилия ўзининг тўртинчи юлдузини 1994 йилда АҚШда ўтказилган мундиалда қўлга киритган. Бу 1990-йиллардаги иккинчи Жаҳон чемпионати эди.

Италия тўртинчи юлдузини 2006 йил Германиядаги мундиалда қўлга киритган. Бу 2000-йиллардаги иккинчи Жаҳон чемпионати бўлган.

Германия эса тўртинчи юлдузига 2014 йил Бразилияда бўлиб ўтган мусобақада эришган. Бу 2010-йиллардаги иккинчи мундиал ҳисобланади.

Энди эса 2020-йиллардаги иккинчи Жаҳон чемпионати — АҚШ, Мексика ва Канада мезбонлик қиладиган 2026 йилги турнир бўлади.

Қизиғи шундаки, амалдаги жаҳон чемпиони Аргентина ҳам айнан тўртинчи юлдузи учун кураш олиб бормоқда. Шу боис кўплаб мухлислар ушбу статистик ўхшашликка эътибор қаратмоқда.