Қозоқ клуби футболчиларининг 25 тасида коронавирус аниқланди

Қозоғистоннинг "Кайсар" жамоаси футболчилари ўртасида коронавирусга қарши ўтказилган тестда 25 та мусбат натижа чиқди.

"Кайсар"нинг ёшлар жамоаси билан ҳисоблаганда умумий 25 та футболчида коронавирус аниқланди. Мен ва мураббийлар штабим топширган анализда эса манфий жавоб чиқди", - дея айтиб ўтди бош мураббий Стойчо Младенов.

Футбол бўйича Қозоғистон чемпионатига 1 июлда старт берилиши ва унда "Кайсар" "Тараз" билан баҳс олиб бориши керак эди. Яқин вақтлар ичида ушбу ўйин бўйича якуний қарор эълон қилинади.

Матнда хатолик топсангиз, ўша хатони белгилаб, бизга жўнатинг (Ctrl + Enter)