Қудратилло Абдуқаҳҳоров бир ой ичида 2-жангини ўтказади!

29 июнь куни Россиянинг Киров шаҳрида IBA чемпионлар оқшоми ташкил қилинади. Мазкур жанг кечасида профессионал боксчимиз Қудратилло Абдуқаҳҳоров ҳам рингга кўтарилади. У россиялик истеъдод эгаси , мағлубиятсиз одимлаётган Павел Сосулинга қарши жанг қилади. Шуни алоҳида таъкидлаб ўтиш керакки, Қудратилло бир ой ичида иккинчи маротаба расмий жангда иштирок этмоқда. У 31 май куни АҚШдаги Гран-Прида грек Андреас Кацуракисга қарши тўлиқ давом этган жангни ўтказган ва ҳакамларнинг тушунарсиз қарори эвазига мағлуб бўлганди. 
Маълумот учун, Қудратиллонинг профессионал рекорди 20-3, 12 КО  бўлса, Сосулинники 8-0, 3 КО кўриниш олган. Албатта, ушбу муҳим жангда ҳамюртимизга омад тилаймиз!