Қудратилло Абдуқаҳҳоровнинг спарринг рақиби рингга қайтмоқда

  Аввалги мавсум "йил кашфиёти" дея эътироф этилган ярим ўрта вазнда (66кг) келажак чемпионлиги учун асосий даъвогар сифатида тилга олинаётган, америкалик Вержил Ортис ( 15-0, 15КО) 4 июль куни "Golden Boy" промоутерлик компанияси ташкил этаётган бокс кечасининг марказий жангида рингга кўтарилади. Ҳозирча унинг рақиби аниқ эмас. Аслида, мазкур санада "Golden Boy"нинг бошқа бир ёш боксчиси Райан Гарсия ( 20-0, 17КО) ўзининг навбатдаги жангини ўтказиши режа қилинганди. Аммо Гарсия ва унинг жамоаси 200 минг долларлик кафолатланган гонорардан бош тортиб, 500 минг долларга рингга чиқишини айтиб ўтди. Шу тариқа Гарсия 4 июль куни жанг ўтказмайдиган ва асосий тўқнашувда Вержил Ортис рингга кўтариладиган бўлди.

Маълумот учун, Вержил Ортис ҳамюртимиз Қудратилло Абдуқаҳҳоров билан спарринг жангларида иштирок этганди.

Матнда хатолик топсангиз, ўша хатони белгилаб, бизга жўнатинг (Ctrl + Enter)