Quvondiq Ro‘ziev "Turon"dan ketdi. U endi qaysi klubda o‘ynaydi?

Davralar oralig‘ida klublarda selektsiya ishlari avj olmoqda. Bir qator futbolchilar esa jamoalarini o‘zgartirishmoqda.

Jumladan, mavsum boshida “Turon” safiga qo‘shilgan 29 yoshli yarim himoyachi Quvondiq Ro‘ziev rasman yaypanliklar bilan xayrlashdi. Bu xususida futbolchi Sports.uz ga ma’lum qildi.

Quvondiq birinchi davrada “Turon” tarkibida 13 ta uchrashuvda maydonga tushib o‘z hisobiga 1 ta gol yozib qo‘ydi. Shuningdek, 2 ta assistni ham amalga oshirgan. Qolaversa, O‘zbekiston Kubogida 3 ta uchrashuvda ishtirok etib 1 ta gol urgan.

Ro‘zievni o‘z safida ko‘rishni istayotgan klublar bor va ayni paytda qizg‘in muzokaralar davom etmoqda. Quvondiq faoliyatini Malayziya chempionatida ham davom ettirishi mumkin. Katta ehtimol bilan bu masala ertaga hal bo‘ladi.