Rafael Benites: Mening Istanbuldagi kambekim Kloppnikidan ancha zo‘r bo‘lgan

Ispaniyalik mashhur mutaxassis Rafael Benites “Liverpul” – “Barselona” (4:0) bahsidan so‘ng o‘z fikrlarini bildirar ekan, uning 2005 yil Istanbulda “Milan”ga qarshi EChL finalida qilgan kambeki Klopp amalga oshirgan kambekdan ancha zo‘r bo‘lganini aytdi.

“Men qilgan kambek ancha yaxshiroq edi, bu kundek ravshan. Bizda 45 daqiqa bor edi va biz dunyoning eng kuchli jamoalaridan biri - "Milan"ga 3:0 hisobida yutqazayotgan edik. Ustiga-ustak o‘yin o‘z maydonimizda bo‘lmagan.

“Liverpul” “Barselona”ga qarshi yaxshi o‘ynadi, lekin Istanbul umuman boshqa masala”, - deydi Benites.

Eslatib o‘tamiz, Benites “Liverpul”ni 2004-2010 yillarda boshqargan. Ayni damda esa “Nyukasl”da ishlamoqda.