Рафинья “Барса” раҳбариятига шубҳалари борлигини маълум қилди

“Барселона” ҳужумчиси Рафинья клуб раҳбариятига ўз келажаги ҳақида ўйлаб юрганини билдирган. Манбага кўра, бразилиялик футболчининг кайфиятига жорий мавсумда олган жароҳатлари қаттиқ таъсир қилган. Шу сабабли у ўтган йилги даражасини намойиш эта олмаган.

Хабарга кўра, Рафинья каталонияликларнинг  УЕФА Чемпионлар лигаси чорак финалида Мадриднинг “Атлетико” жамоасига мағлуб бўлиб, мусобақани эрта тарк этганини ҳам жуда оғир қабул қилган. У ўша ўйинларда жамоасига ёрдам бера олмаган.

“Барселона”да 29 ёшли футболчининг ростгўйлигини юқори баҳолашяпти. Таъкидланишича, бош мураббий Ханс-Дитер Флик ва спорт директори Деку унга тўлиқ  ишонишини бидирган.

Клуб Рафиньяга келажаги ҳақида қарор қабул қилиш учун қанча вақт керак бўлса, шунча имконият беришга тайёр.

Суперклуб мутасаддилари сўнгги мавсумларда жамоа муваффақиятларига катта ҳисса қўшиб келган бразилиялик юлдуз фаолиятини айнан “Барселона”да давом эттиради, деб ҳисобламоқда.

Жорий мавсумда Рафинья клуб ва терма жамоа сафида жароҳатлар сабаб 23 та учрашувни ўтказиб юборди. Унинг клуб билан амалдаги шартномаси 2028 йил ёзигача мўлжалланган.