Рафиньянинг қанча муддатга сафдан чиққанлиги маълум бўлди

Каталониянинг "Барселона" клуби вингери Рафинья миллий терма жамоа йиғинида олган жароҳати сабаб сафдан чиқди. "Кўк-анорранглилар" матбуот хизмати хабар беришича, тиббий текширув футболчида сон қисмида жиддий жароҳат борлигини тасдиқлади.

"Рафиньяда ўнг оёқ тизза орқасидаги пайи шикастланган. Бу АҚШдаги ўйин вақтида футболчи ўзини ёмон ҳис қилганидан сўнг Бразилия футбол конфедерацияси (CBF) томонидан ўтказилган текширувлар орқали тасдиқланди. Футболчи реабилитация жараёнини бошлаш учун клуб ихтиёрига қайтмоқда. Тахминий тикланиш муддати беш ҳафтани ташкил этади", — дейилади "Барселона"нинг расмий баёнотида.

Маълумот учун, футболчи Бразилия ва Франция ўртасидаги ўртоқлик ўйинида ўзини ноқулай ҳис қилган ва танаффус пайтида аламштирилган.