Rahim Karimov OChL yarim finalida ishlaydi

Osiyo Chempionlar ligasining yarim finalidan o‘rin olgan «Al-Ayn» – «Al-Hilol» uchrashuvida ishlash uchun iordaniyalik hakamlar jamoasi tayinlov oldi. Quvonarli jihati, musobaqaning ushbu hal qiluvchi bahslaridan biriga bir nafar video assistentimiz ham jalb etildi. Bu xususida O‘zFHM matbuot xizmati xabar bermoqda.

BAAning Al-Ayn shahrida o‘tadigan uchrashuvni boshqarish vazifasi Adham Muhammadga ishonib topshirildi. Unga qanotlarda hamyurtlari Muhammad Mustafo va Ahmad Muannas yordam bersa, malayziyalik Nazmi Nasaruddin zaxira hakami vazifasini bajaradi.

VAR hakamlari sifatida esa vakilimiz Rahimbek Karimov hamda singapurlik Muhammad Toqi ro‘yxatdan joy olgan.