Рами 2 сонияда 2та сариқ карточка олди

Кеча "Севилья" Испания чемпионатининг 16-турида ўз майдонида  "Малага"ни қабул қилди ва бир киши кам бўлиб қолганига қарамай 4:1 ҳисобида ғалаба қозонди.
Учрашувнинг 62-дақиқасида мезбонлар футболчисиси Адиль Рами рақибига нисбатан қўпол ҳаракатни амалга оширди ва ҳакам томонидан сариқ карточка билан огоҳлантирилди. Бироқ, шундан сўнг ҳам франциялик футболчи ҳакам билан тортишишни тўхтатмади, учрашув рефериси эса унга иккинчи сариқ карточкани кўрсатди ва майдондан четлатди.
Бу вақтга келиб "Севилья" 4:0 ҳисобида ғалаба қозонаётган эди ва Рамининг майдондан четлатилиши учрашув натижасига деярли таъсир ўтказмади. Якуний ҳисоб 4:1.