Рамос: "Биз ҳали таслим бўлганимиз йўқ!"

ПСЖ ҳимоячиси Серхио Рамос "Бавария"га учралган мағлубият борасида ўз фикрларини билдириб ўтди. 

"Бу "Бавария"дек кучли рақибга қарши оғир ўйин бўлди. Улар деярли хато қилмади.

Биринчи бўлимда рақиб ташаббусни ўз қўлига олди ва биз жамоа бўлиб ҳимояланишга ҳаракат қилдик. Танаффусдан кейин улар анча кенг ўйнай бошлади. Бир нечта қарши ҳужумлар ташкил қилишди. 

Натижа биз учун яхши бўлмади, албатта. Сабаби, биз иккинчи ўйин олдидан устунликка эришмоқчи эдик. Аммо шу билан тўхтаб қолмаймиз. Биз ҳали таслим бўлганимиз йўқ", - деди испаниялик футболчи.