Рамос "Реал"га содиқ!

"Реал" ҳимоячиси Серхио Рамос янги мавсумда ҳам мадридликлар сафида қолиши мумкин.

Журналист Николо Скира хабарига кўра, 34 ёшли футболчи фаолиятини "Реал"да якунламоқчи. Унинг "қаймоқранглилар" билан амалдаги шартномаси 2021 йил июнида якунига етади, бироқ футболчи клуб билан музокаралар олиб боришга ҳозирланмоқда. Шунингдек, клуб президенти Флорентино Перес ҳам Рамосга 1+1 кўринишида келишув таклиф қилмоқчи.

Олдинроқ, ҳимоячи учун "ПСЖ", "Ювентус", "Манчестер Юнайтед" ва "Манчестер Сити" клублари қизиқиш билдираётгани ҳақида хабар берилган эди.

Жорий мавсумда Рамос "Реал" сафида барча турнирларда 10 та ўйинда майдонга тушиб, учта гол ва битта голли узатма муаллифи бўлди.