Рақиб “Челси” юлдузи трансферини эълон қилди

«Астон Вилла» клуби расмий сайти орқали «Челси» ҳужумчиси Николас Жексоннинг трансфери амалга оширилганини эълон қилди.

Аввалроқ ОАВ Бирмингем клуби 25 ёшли ҳужумчининг трансфери учун  70 миллион евро тўлашга тайёр эканини хабар қилган эди.

Ўтган мавсумда Жексон «Бавария»да ижара асосида ўйнади. Ҳужумчи барча турнирларда 34 та учрашувда иштирок этиб, 11 та гол урди ва 4 та голли узатма амалга оширди.

Унинг «Челси» билан шартномаси 2033 йил ёзигача мўлжалланган эди.

Жексон 2023 йил ёзидан «Челси» футболчиси бўлиб келган. У бу даврда клуб билан Конференциялар лигаси ва клублар ўртасидаги жаҳон чемпионатида ғолиб чиққан.