Рақиб ҳимоячиси “Сити”ни тўхтата олмаганини тан олди

Англия Премьер-лигасининг 17-турида “Манчестер Сити” ўз майдонида “Вест Хэм”ни 3:0 ҳисобида мағлубиятга учратиб, 37 очко билан мусобақа жадвалида вақтинча бўлса-да, биринчи ўринга кўтарилиб олди.

Учрашувдан кейин “Вест Хэм” ҳимоячиси Кайл Уокер-Питерс мағлубиятга изоҳ берди.

- Биз “Манчестер Сити”нинг қай даражада кучли жамоа эканини биламиз, улар ҳозир жуда яхши формада олға интиляпти. Бу ерда ўйнаш осон бўлмаслигини тушунгандик.

Албатта, ўйинга тузган режамиз бор эди ва уни амалга оширишга ҳаракат қилдик. Аммо жуда қийин бўлди.

Танаффусда эса ўз кучимизга ишониш кераклиги, рақибга уларнинг жарима майдончасига яқин ҳудудларда прессинг уюштириш лозимлигини гаплашдик. Бир нечта имкониятларимиз ҳам бўлди, лекин омад етишмади. Бошқа куни бўлганида гол уришимиз ҳам мумкин эди. Бугун эса бунга эриша олмадик, - деди Уокер-Питерс Sky Sports журналистларига.

“Вест Хэм” айни пайтда Англия чемпионати турнир жадвалида 18-ўринни эгаллаб турибди. Жамоа Премьер-лигада ўтказилган 17 та ўйинда 13 очко жамғарган.