Рақиб "Сити"нинг икки ҳужумчисини олиб кетмоқчи

«Манчестер Сити» таркибидаги вингерлар Жереми Доку ва Антуан Семеньо жамоани тарк этиши мумкин. Бу ҳақда Indykaila News нашри хабар берди.

Манбанинг ёзишича, агар «шаҳарликлар» молиявий фэйр-плей қоидаларини бузгани учун жазога тортилса, клубда жиддий ўзгаришлар юз бериши эҳтимолдан холи эмас. Бундай ҳолатда бир қатор футболчилар жамоадан кетиши мумкин, улар орасида Доку ва Семеньо ҳам бор.

Хабарга кўра, ушбу икки вингерга «Ливерпуль» жиддий қизиқиш билдирмоқда. «Қизиллар» бельгиялик ва ганалик футболчилар учун расмий таклиф йўллашга тайёр экани айтилмоқда.