Рақиб Винисиуснинг энг хавфли томонини топди

Европа Чемпионлар лигаси умумий гуруҳ босқичининг тўртинчи турида Англиянинг амалдаги чемпиони “Ливерпуль” ўз мухлислари кўз ўнгида Мадриднинг “Реал” жамоаси билан куч синашади.

“Ливерпуль” бош мураббийи Арне Слот рақиб ҳужумчиси Винисиус Жуниор ҳақида фикр билдирди.

- Мен “эл-класико”ни эсласам, биринчи навбатда Винисиуснинг алмаштиришга реакциясини эмас, балки ўша икки кучли жамоа ва ажойиб ўйинчилар тўқнашувини ёдга оламан.

Винисиусда бир нечта жуда хавфли ҳолатлар бўлганди. Шундай вазиятлардан бири иккинчи дақиқада рўй берди. Винисиус рақиб жарима майдончасига кириб бориб, пенальти ишлаб олди, аммо VAR уни бекор қилган.

Биз айнан шундай ҳолатлардан эҳтиёт бўлишимиз керак. Чунки Винисиус жуда тезкор, яккама-якка вазиятда яхши ўйнайди, бу ўзига хос футболчи. У икки, уч, ҳатто тўрт ўйинчига қарши кураша олади.

“Ювентус”га қарши ўйинда унга беш нафар футболчи қарши турган, аммо у шунда ҳам зарба бериш учун позиция топган, тўп устунга тегиб, қайтиб, дарвозага кирган. “Реал”нинг бу ўйинчиси ҳақиқатан ҳам ғайриоддий, - деди Арне Слот Sky Sports нашрига берган интервьюсида.