Расман: "Барса" янги шартномани эълон қилди

«Барселона» ёш ҳужумчи келажакгини клубга боғлаб қўйди. Испаниянинг машҳур «Барселона» клуби Мисрдан келган 18 ёшли ҳужумчи Ҳамза Абдулкарим билан янги шартнома имзолади. 

Бу ҳақда жамоанинг расмий сайти орқали маълум қилинди.

Аввалги келишувга кўра, ёш футболчининг шартномаси 2029 йил ёзигача амал қилар эди. Янги шартнома асосида эса Абдулкарим камида 2030 йилнинг ўрталаригача «Барселона» шарафини ҳимоя қилишда давом этади.

Клубга яқин манбаларнинг таъкидлашича, янги битимда ҳужумчини бошқа жамоа сотиб олиши учун белгиланадиган товон пули миқдори сезиларли оширилган. Аввал бу сумма 15 миллион евро атрофида бўлган бўлса, энди 150 миллион еврогача кўтарилгани айтилмоқда. 

Бироқ бу рақамлар «Барселона»нинг расмий баёнотида тасдиқланмаган.

Эслатиб ўтамиз, Хамза Абдулкарим каталонияликлар сафига Мисрнинг «Ал-Аҳли» клубидан кўчиб ўтган. У жорий мавсумда ҳозирча жамоа таркибида бир ўйинда майдонга тушишга улгурди.