Расман. "Бухоро" Улуғбек Бақоев билан тузилган шартномани бекор қилди

"Бухоро" клуби жамоа бош мураббийи Улуғбек Бақоев билан тузилган шартномани бекор қилди. Бу ҳақда клуб матбуот хизмати хабар берди.

"Бухоро" футбол клуби раҳбарияти ва жамоамиз бош мураббийи Бакоев Улуғбек Истамович билан ўзаро келишилган ҳолда, икки тарафлама меҳнат шартномаси бекор қилинди. "Бухоро" Футбол Клуби номидан ва мухлислар номидан Бакоев Улуғбек Истамовичга қилган меҳнатлари учун ўз миннатдорчилигимизни билдирамиз ва келгуси ишларига омад тилаб қоламиз!" - дейилади клуб хабарида.

Маълумот учун, Бақоев 2023 йил 6 апрел санасидан бери жамоа бошқарувида эди.