Расман! "Манчестер Сити" Доннарумма трансферини эълон қилди

Расман Жанлуижи Доннарумма "Манчестер Сити" футболчисига айланди. Клуб расмий саҳифаси орқали ушбу трансферни эълон қилди. 

Мазкур харид учун "шаҳарликлар" 30 миллион евро сарфлашди. Шунингдек, дарвозабон билан 5 йиллик шартнома имзолади. Битимни яна бир йилга узайтириш имкони бор. 

Доннарумма 2021 йили эркин агент сифатида "Милан"дан ПСЖга кўчиб ўтганди. Орадан 4 йил ўтиб, у Францияни тарк этиб, фаолиятини Англияда давом эттиришга қарор қилди. 

26 ёшли футболчи ўтган мавсумни ажойиб ўтказиб, ПСЖ билан Чемпионлар лигасини қўлга киритди, лекин Луис Энрике уни биринчи рақамли дарвозабон бўлмаслигини айтди ва "Манчестер Сити" Эдерсон билан хайрлашиб, Жанлужини ўз сафига қўшиб олди.