Расман! "Милан" "Emireyts" билан шартномани узайтирди

"Милан" узоқ йиллик ҳомийси билан ҳисобланган "Emireyts" билан шартномани яна бир бор янгилади.

"Милан" клуби "Emireyts" компанияси билан шартномани узайтирганини эълон қилади. Шу тариқа компания клубнинг расмий ҳамкори бўлиб қолади. Бу ҳамкорлик ўн беш йилдан кўпроқ вақтдан бери давом этиб келмоқда”, - дейилади клуб матбуот хизмати берган хабарда.

Янги шартномага кўра, компания логотиплари нафақат катталар жамоаси футболчилари, балки ёшлар ва ўсмирлар терма жамоалари ўйинчиларининг формаларида ҳам сақланиб қолади.

Маълумот учун, "Милан" ва "Emireyts" ўртасидаги ҳамкорлик 2007 йилда бошланган. Орадан бир йил ўтиб, "Emireyts" клубнинг асосий ҳамкорига айланган. 2010/2011 йилги мавсумдан эса бу компания ёзуви клуб либосларида пайдо бўлган. Ўтган давр мобайнида “Милан” ушбу титул ҳомийси логотипи туширилган либосларда жами 590 та ўйин ўтказган ва уларда 967 та гол киритган.