Расман! Осимхен миш-мишларга қарамай "Наполи" билан шартномасини узайтидди

"Наполи" футболчиси Виктор Осимхен клуб билан шартномасини узайтирди. Бу ҳақда неаполликлар матбуот хизмати хабар берди. 

Маълум бўлишича, ҳужумчи 2026-йилгача "Наполи" сафида тўп тепиш ҳуқуқига эга бўлди. Италия нашрларининг ёзишича, унинг маоши 9-10 миллион евро атрофида бўлади. Бу А Сериядаги энг юқори кўрсаткич ҳисобланади. 

Шунингдек, Викторнинг шартномасида товон пули 130 миллион евро этиб кўрсатилган. Нигерияликни сотиб олишни истаган жамоалар неаполликлар ҳисоб рақамига шунча суммани ўтказиб қўйиши керак бўлади.