Расман. "Реал Сосьедад" ўз мураббийини ишдан бўшатди!

"Реал Сосьедад" клуби Серхио Франсиско бош мураббийлик лавозимини тарк этганини расман эълон қилди. Испания жамоасини яқин вақт ичида ким бошқариши мумкинлиги маълум бўлди.

Италиялик журналист Жанлука ди Марционинг хабар беришича, "Реал Сосьедад" раҳбарияти бош мураббийликка икки мутахассис номзодини кўриб чиқмоқда. Улар — Тьяго Мотта ва Пеллегрино Матараццо.

Тьяго Моттанинг сўнгги иш жойи "Ювентус" бўлган. Мураббий 2025 йил март ойида Турин клубини тарк этган. Ундан аввал "Болонья", "Специя" ва "Женоа" жамоаларида фаолият юритган.

Пеллегрино Матараццо эса 2024 йил ноябрь ойидан бери ишсиз. У шу вақтда "Хоффенхайм" бош мураббийи лавозимини тарк этган эди.

Эслатиб ўтамиз, "Реал Сосьедад" Испания Ла Лигасининг 16-туридан сўнг 16 очко жамғарган ҳолда, 15-ўринда бормоқда.