Rasman. Superligada yana bir bosh murabbiy iste’foga chiqdi!

"Mash’al" klubi bosh murabbiy Igor Surov bilan tuzilgan mehnat shartnomasi o‘zaro kelishuv asosida bekor qilinganini e’lon qildi.

Shu tariqa, mutaxassis muborakliklar jamoasini tark etdi. Hozircha klubni kim vaqtinchalik boshqarib turishi haqida esa ma’lumot yo‘q. 

Eslatib o‘tamiz, "Mash’al" Superliganing 9-turidan so‘ng hali ochko to‘plab olmadi. Shu sabab, jamoa turnir jadvalining eng so‘nggi o‘rinida bormoqda.