Расман. WBO Александр Усикнинг кейинги жангини эълон қилди

Украиналик учта асосий йўналиш чемпиони Александр Усик IBF камари соҳиби британиялик Даниэль Дюбуага қарши яна мутлақ жаҳон чемпионлиги учун рингга кўтарилади. Халқаро бокс ташкилоти (WBO) президенти Густаво Оливери бу маълумотни расман тасдиқлади. 

"Бизнинг ташкилотга Усик ва Дюбуа ўртасидаги бирлаштирувчи чемпионлик жанги юзасидан сўровнома келиб тушди. Биз бу жанг ўтказилишини қаноатлантирамиз. Қолаверса, Жозеф Паркер мақомини ҳам кўриб чиқамиз" — дея Оливерининг сўзларини келтирмоқда "Sky Sports" портали.

Эслатиб ўтамиз, Усик сўнгги жангини ўтган йилнинг 22 декабрь куни Ар-Риёд (Саудия Арабистони) шаҳрида британиялик Тайсон Фьюрига қарши ўтказиб, очколар ҳисобига кўра ғалаба қозонганди. Дюбуа 22 февраль куни Жозеф Паркердан камарини ҳимоя қилиши керак эди. Аммо жангга икки кун қолганида Паркер бетоб бўлиб қолган ва унинг ўрнини қисқа фурсатда африкалик Мартин Баколе эгаллаганди. 

Ўзбекистон бокс федерациясидан.